ქუთაისის ანდრია რაზმაძის სახელობის 41-ე საჯარო სკოლის მოსწავლეები, სწავლასთან ერთად, ხელოვნებასა და სპორტშიც ცდიან თავიანთ ძალებს. ამ სფეროშიც გვყავს წარმატებულნი. მათ შორის ერთ-ერთია IVვ კლასის მოსწავლე ნანო მსხვილიძე.
იგი ფიგურულ ციგურაობაში 2012 წლიდან ვარჯიშობს და, შეიძლება ითქვას, უკვე წარმატებულიცაა. სხვადსხვა დროს იყო საქართველოს ჩემპიონატის მეორე ადგილის პრიზიორი, საქართველოს ჩემპიონი, 2015 წელს ბუდაპეშტში გამართული ევროპის ჩემპიონატის ვერცხლის მედლის მფლობელი.
ახლახან ბათუმში გამართულ საქართველოს ჩემპიონატში ნანო მსხვილიძემ მესამე ადგილი დაიკავა. მასზე დიდ იმედებს ამყარებს საქართველოს ფიგურული ციგურაობის ფედერაცია.
ვუსურვებთ ნანო მსხვილიძეს შემდგომ წარმატებებს სწავლასა და სპორტში.