24-26 მარტს,  ქუთაისის ახალგაზრდული ცენტრის წევრებისათვის ჩატარდა ტრენინგ-კურსი თემაზე „მრავალფეროვნების მართვა, ტოლერანტობა და სოციალური ინოვაციები“, რომელსაც ორგანიზაცია „პარტნიორები-საქართველოს“ ტრენერები უძღვებოდნენ. ტრენინგის მიზანს წარმოადგენდა ახალგაზრდული ცენტრის წევრების განათლების დონის ამაღლება და ახალი უნარ-ჩვევების გამომუშავება მრავლფეროვნების მართვის და მისი მნიშვნელობის აუცილებლობაზე, ტოლერანტობის და სოციალური ინოვაციების თემებზე. 

ტრენინგ-კურსი ორგანიზებული იქნა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია ქუთაისის განათლების განვითარების და დასაქმების ცენტრი.