პროექტის „შშმ პირთა განათლების და დასაქმების თანაბარი შესაძლელობების ადვოკატირება და ლობირება” ფარგლებში, რომელიც ქუთაისის განათლების, განვითარების და დასაქმების ცენტრის მიერ, ევროკავშირის ფინანსური მხარდაჭერით ხორციელდება, სასტუმრო „ბორჯომი პალასში“ ადგილობრივი და ცენტრალური მედიის წარმომადგენლებისთვის ტრენინგი გაიმართა თემაზე: „შშმ პირთა მიმართ არსებული სტიგმა და სტერეოტიპები“.
მონაწილეებს ბევრ საინტერესო და მნიშვნელოვან საკითხთან ერთად, საშუალება ჰქონდათ, გაცნობოდნენ ფოტო და ვიდეო მასალის მომზადების დროს გასათვალისწინებელ ეთიკურ ნორმებს, მიეღოთ ინფორმაცია გაეროს შშმ პირთა კონვენციის შესახებ, შეეფასებინათ კონვენციის იმპლემენტაცია და გაემიჯნათ განსხვავება სამედიცინო, ქველმოქმედებისა და სოციალურ მოდელებს შორის.
აღნიშნული პროექტი, აგრეთვე საშუალებას აძლევს საქართველოში მომუშავე ჟურნალისტებს და მედია ჯგუფებს, 2016 წლის 25 მარტიდან 25 დეკემბრის ჩათვლით, შშმ პირთა უფლებების დაცვის თემაზე, ჟურნალისტური ნამუშევრების კონკურსში ჩაერთონ.