სასტუმრო "ბაგრატში" შშმ პირებთან და შშმ პირთა საკითხებზე ორიენტირებულ არასამთავრობო ორგანიზაციების წარმომადგენლებთან შეხვედრა გაიმართა.
შეხვედრის მიზანი იყო: შეზღუდული შესაძლებლობების მქონე პირთა საკითხებზე მომუშავე საბჭოს გააქტიურება და მუშაობის ძირითადი პრინციპების განსაზღვრა.
შეხვედრა მოეწყო პროექტის „შეზღუდული შესაძლებლობების მქონე (შშმ) პირთა სამართლებრივი ადვოკატირება” ფარგლებში, რომელსაც კოალიცია „დამოუკიდებელი ცხოვრებისათვის” აშშ-ს საერთაშორისოგანვითარების სააგენტოს (USAID) მხარდაჭერით ახორციელებს ქუთაისის განათლების განვითარების და დასაქმების ცენტრთან პარტნიორობით.
პროექტის მიზანია შეზღუდული შესაძლებლობის მქონე პირთა მიმართ განხორციელებული ნებისმიერი ძალადობისა და დისკრიმინაციული ფაქტების გამოვლენა და აღმოფხვრა.