დღეს ბრიუსელი ტერორიზმის ეპიცენტრად იქცა.
ჯერ იყო და აეროპორტში ორი ძლიერი აფეთქება მოხდა. ხოლო შემდეგი აფეთქბა მეტროში, შუმანის სადგურში განხორციელდა, რომელიც ევროკომისის და ევროკავშირის საბჭოს შენობების ახლოს მდებარეობს. გავრცელდა ინფორმაცია, რომ აფეთქება ბრიუსელის მალბეკის სადგურზეც მოხდა, რის შემდეგადაც ბრიუსელის მეტრო დაიხურა.
"სქაი ნიუსის" ცნობით, აფეთქების ადგილებიდან ადამიანები ევაკუაირებულია.
დიდი ბრიტანეთის პრემიერ-მინისტრი დევიდ ქემერონი ბრიუსელის აეროპორტში მომხდარ აფეთქებებს ეხმიანება. "ბრიუსელში მომხდარი მოვლენებით შოკირებული და შეშფოთებული ვარ. დასახმარებლად ყველაფერს გავაკეთებთ , რაც შეგვიძლია", - წერს დევიდ ქემერონი ტვიტერის საკუთარ მიკრობლოგში.