ქუთაისში დღემდე ახსოვთ რეზო დვალიშვილისეული საუკეთესო ლუდი „აია“ და უდაოდ სასიხარულოა, რომ  ბატონი რეზოს მემკვიდრე ამბერკი დვალიშვილი ტრადიციას არ ღალატობს: ძალიან მალე ქართულ ბაზარზე კვლავ გამოჩნდება ახალ ლუდსახარშში ძველი ტექნოლოგიით დამზადებული კლასიკური ლუდი „აია“.

ლუდსახარში ,,დვალიშვილი"-ს მშენებლობა და ტექნიკური უზრუნველყოფა უკვე დასრულებულია  და 5 მარტს ლუდის ექსპერიმენტული ხარშვაც გაიმართა,  მოწვეულ ტექნოლოგთან ერთად.

როგორც კომპანია „დვალიშვილის“ დამფუძნებელმა ამბერკი დვალიშვილმა განაცხადა, ქარხანაში დამონტაჟებულია მაღალი ხარისხის თანამედროვე დანადგარები და პირველი პროდუქცია დაახლოებით ერთ თვეში იქნება. ლუდსახარშში  7-8 ადამიანია დასაქმებული. ლუდსახარშის ტერიტორიაზე მოეწყობა ასევე ლუდის რესტორანი, ლუდის ღია ბარი და მაღაზია. 

კომპანია შემოდგომისთვის გეგმავს ასევე ღვინის წარმოების დაწყებას.

წარმატებებს ვუსურვებთ კომპანია „დვალიშვილს“ და ქუთაისურ ლუდს „აია“-ს!