ქუთაისში დაჯარიმებულმა აბონენტებმა და მათმა უკმაყოფილებამ იმატა.

ელექტროენერგიის გადასახადის ერთი დღის დაგვიანების შემთხვევაშიც კი „ენერგო-პრო“, სემეკის გადაწყვეტილების საფუძველზე, მომხმარებელს დეპოზიტზე საჯარიმო თანხას არიცხავს. ამის მერე აბონენტს  მიმდინარე გადასახადთან ერთად  ვალად დარიცხული თანხის გადახდაც უწევს. მომხმარებელთა უმეტესობას აქამდე  ერთი ტიპის გადასახადის გადახდა უჭირდა, მეორის დამატება კი კიდევ უფრო პრობლემური ხდება, შესაბამისად გათიშული აბონენტების რიცხვი მატულობს. ანალოგიური გადასახადი ბათუმში მოიხსნა. როგორც ჩანს, ქუთაისში საამისოდ ადგილობრივების პროტესტი ჯერ არ კმარა! გარდა ამისა, დაჯარიმებას ბანკის მომსახურების 50 თეთრიც დაემატა.