ქალაქ ქუთაისის მუნიციპალიტეტის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახურის ტურიზმის განყოფილების თანამშრომლები 3 დღიანი ვიზიტით იმყოფებოდნენ ლატვიის დედაქალაქ, რიგაში, საერთაშორისო ტურისტულ გამოფენა-ბაზრობაზე „ბალტურ 2016'', სადაც წარმოაჩინეს ქუთაისისა და იმერეთის რეგიონის ტურისტული პოტენციალი.

გამოფენის გახსნის დღეს საქართველოსა და ქუთაისის სტენდი დაათვალიერა საქართველოს სრულუფლებიანმა ელჩმა ლატვიის რესპუბლიკაში თეიმურაზ ჯანჯალიამ, რომელის ინფორმაციით ქუთაისისა და ლატვიის რესპუბლიკის ქალაქებს შორის მომავალი თანამშრომლობისა და ეკონომიკური ურთიერთობების გაღრმავების მიზნით, ქუთაისს უახლოეს მომავალში ეწვევიან ლატვიის რამოდენიმე ქალაქის ხელმძღვანელი პირები. სტუმრები გაეცნობიან ქუთაისის საინვესტიციო გარემოს სამომავლო ერთობლივი პროექტების განხორციელებისათვის.