ქუთაისის მერმა შოთა მურღულიამ, საკრებულოს თავმჯდომარე დავით დვალმა და დეპუტატებმა ავღანეთში მებრძოლ ვეტერანებთან ერთად , ავღანეთში დაღუპულთა მემორიალი გვირგვინით შეამკეს და მათ ხსოვნას პატივი მიაგეს.
1989 წლის 15 თებერვალს მაშინდელმა საბჭოთა კავშირის ჯარებმა ავღანეთის ტერიტორია დატოვეს. დღეს 27 წელი გავიდა. ავღანეთში 130 ქუთაისელი იბრძოდა, რომელთაგან ორი ომში დაიღუპა. დღეის მონაცემებით ქუთაისი- ავღანეთის მეომართა კავშირში 33 ვეტერანი ირიცხება, მათ ქუთაისის მერიამ ერთჯერადი დახმარების სახით 6 000 ლარი გამოუყო.