ქუთაისში სტარტი აიღო წყალბურთში სასკოლო ტურნირმა.
ტურნირში ქუთაისის 8 სკოლის 60 მოსწავლე მიიღებს მონაწილეობას. ტურნირი ქუთაისის მერიის სპორტის განყოფილების საპილოტე პროექტია. შეჯიბრის დაწყება მოსწავლეებს ქუთაისის მერმა შოთა მურღულიამ და საკრებულოს თავმჯდომარემ, წყალბურთის ფედერაციის პრეზიდენტმა დავით დვალმა მიულოცეს და წარმატებები უსურვეს.
ტურნირი 12 თებერვალს დასრულდება. გამარჯვებული სკოლის გუნდს მერიის თასი გადაეცემა.