28 იანვარს ქუთაისის ახალგაზრდული ცენტრის წევრებისათვის ორგანიზება გაუკეთდა დოკუმენტური ფილმის ჩვენებას და დისკუსიას ოჯახში ძალადობის თემაზე, რომლის მიზანს წარმოადგენდა ახალგაზრდების ცნობიერების ამაღლება ქალთა უფლებების, ოჯახში ძალადობის და მისი პრევენციის საკითხების შესახებ.

ნაჩვენები იყო ზურაბ ინაშვილის მიერ გადაღებული დოკუმენტური ფილმი, რომელშიც გადმოცემულია ქალთა უფლებების უხეში დარღვევის, ოჯახში ძალადობის ფაქტები და მასთან დაკავშირებული თანმდევი პრობლემები.

ფილმის ჩვენება/განხილვა ორგანიზებული იქნა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით.

პროგრამის პარტნიორია ქუთაისის განათლების განვითარების და დასაქმების ცენტრი.