ქუთაისის მერმა შოთა მურღულიამ და იმერეთის გუბერნატორმა გივი ჭიჭინაძემ ქუთაისის „აია“-ს ვეტერან მორაგბეს თენგიზ ტურძელაძეს უმასპინძლეს. ქალაქის და მხარის პირველმა პირებმა საქართველოს მრავალგზის ჩემპიონს რაგბში და ლელობურთში, საბჭოთა კავშირის სამგზის ჩემპიონს და ორგზის თასის მფლობელს, მრავალ საერთაშორისო ტურნირში გამარჯვებულს, სპორტის ოსტატს, საბჭოთა კავშირის ნაკრების წევრს 55 წლის იუბილე მიულოცეს და საჩუქრები გადასცეს.