სამოქალაქო განათლების პროგრამის "მომავლის თაობის" ფარგლებში, ქუთაისის 35-ე საჯარო სკოლის სამოქალაქო კლუბის "ერთობის" ინიციატვით გაიმართა ნახატებისა და ფოტოების კონკურსი. კონკურსში მონაწილეობდნენ სკოლის შემოქმედებითი ნიჭით დაჯილდოებული IV-XI კლასის მოსწავლეები.
კონკურსანტების ნამუშევრები სკოლის დერეფანში გამოიფინა. გამარჯვებულები წინასწარ შერჩეულმა ჟიურიმ გამოავლინა.
პირველი ადგილი გივი მამაგეიშვილმა დაიკავა, მეორე – ნატა გოგისვანიძემ, ხოლო მესამე საპრიზო ადგილი მარიამ დიაკონიძეს ხვდა წილად.
კონკურსში მონაწილეობისთვის საპატიო დიპლომები გადაეცათ მარიამ იობიძეს, თამარ ჩხეტიანს, დაჩი ბოგვერაძეს.