23 ნოემბერს, მართლმადიდებლური ეკლესია წმინდა დიდმოწამე გიორგის ხსენების დღეს აღნიშნავს. გიორგობა წელიწადში ორჯერ, 6 მაისს და 23 ნოემბერს აღინიშნება.
6 მაისს ეკლესია წმინდანის აღსრულების დღეს აღნიშნავს, 23 ნოემბერს კი– ბორბალზე წამების დღეს. დღევანდელ დღეს, გიორგობა მხოლოდ საქართველოში აღინიშნება.
წმინდა გიორგის თაყვანისცემა საქართველოში მე–4 საუკუნის დასაწყისში იწყება. წმინდა გიორგი ქართველთა მფარველად ითვლება.
დღეს საქართველოს ყველა მოქმედ ტაძარში წირვა–ლოცვა აღევლინება.