2015 წლის 17 ნოემბერს, სამოქალაქო განათლების პროგრამის ,,მომავლის თაობის'' (#MT) ფარგლებში, სსიპ სამტრედიის მუნიციპალიტეტის სოფელ ღანირის საჯარო სკოლაში მოეწყო მე-10 კლასის მოსწავლის, კლუბის აქტიური წევრის მხატვარ ტარიელ ანდღულაძის პერსონალური გამოფენა, წარმოდგენილი იყო 50-მდე ნახატი და ასევე ხელნაკეთი ნივთები.
ღონისძიებაზე მოწვეულნი იყვნენ წყალტუბოს მუნიციპალიტეტის სოფელ მაღლაკის საჯარო სკოლის დირექტორი, სამოქალაქო კლუბის წევრები, ასევე სამტრედიის მუნიციპალიტეტის სოფელ ნაბაკევის საჯარო სკოლის სამოქალაქო კლუბი. ტარიელ ანდღულაძე ღანირის საჯარო სკოლის დირექტორმა დიპლომითა და ფასიანი საჩუქრით დააჯილდოვა.
ღონისძიების ბოლოს გაიმართა მეგობრული შეხვედრა ფრენბურთში, შეჯიბრში ღანირის, მაღლაკისა და ნაბაკევის საჯარო სკოლების გუნდები მონაწილეობდნენ. გამარჯვება მასპინძლებს – ღანირელებს ხვდათ წილად, გუნდს გამარჯვების სიმბოლოდ თასი გადაეცა.