12 ნოემბერს ხარაგაულის მუნიციპალიტეტის საგანმანათლებლო რესურსცენტრის დარბაზში, „საქართველოს მოხალისის“ ხარაგაულის მუნიციპალიტეტის კოორდინატორის, თამარ მაღრაძის ინიციატივით მორიგი აქტივობა განხორციელდა. ამჯერად,ხარაგაულელ მოხალისეებს მხარდამჭერა ხარაგაულის მუნიციპალიტეტის გამგებლის მრჩეველმა გენდერული თანასწორობის საკითხებში, ქალბატონმა ინგა ბერაძემ გაუწია და მათთვის ტრენინგი თემაზე „გენდერული თანასწორობა“ ჩაატარა. მოხალისეები აქტიურად იყვნენ ჩართულნი ტრენინგის პროცესში. ქალბატონმა ინგამ გენდერულ თანასწორობაზე მსმენელებს ამომწურავი ინფორმაცია მიაწოდა და სახალისო სავარჯიშოებიც შესთავაზა. ტრენინგის ბოლოს ახალგაზრდებმა მოკლემეტრაჟიანი ანიმაციური ფილმი „the impossible dream“ ნახეს.