2015 წლის 27 ოქტომბრიდან 3 ნოემბრამდე კანარის კუნძულებზე, კლასიკური მუსიკის საერთაშორისო კონკურს-ფესტივალი „ვარსკვლავები ტენერიფზე“ მომდინარეობდა, სადაც წარგზავნილები იყვნენ მელიტონ ბალანჩივაძის სახელობის ცენტრალური სამუსიკო სასწავლებლის და ზაქარია ფალიაშვილის სახელობის №2 სამუსიკო სკოლის მოსწავლეები.
I პრემია მიენიჭა მ. ბალანჩივაძის სახელობის ცენტრალური სამუსიკო სასწავლებლის მოსწავლეს, მრავალი საერთაშორისო პრიზისა და ვარსკვლავის მფლობელს ლიზი ბასილაძეს (პედ. ანჟელა დოლაბერიძე), რომელიც ამავე დროს სსიპ ქალაქ ქუთაისის N12 საჯარო სკოლის მოსწავლეა.
სკოლის დირექცია და პედაგოგიური კოლექტივი ულოცავს ლიზი ბასილაძეს კანარის კუნძულებზე კლასიკური მუსიკის საერთაშორისო კონკურს-ფესტივალ „ვარსკვლავები ტენერიფზე“ - მოპოვებულ წარმატებას და უსურვებს ულევ სიხარულსა და წინსვლას.