ქუთაისში ჩოგბურთის კორტები თანამედროვე სტანდარტებით უნდა მოეწყოს.
კორტები ქალაქის მერმა შოთა მურღულიამ, პარლამენტის სპორტისა და ახალგაზრდობის საქმეთა კომიტეტის თავმჯდომარემ ლერი ხაბელოვმა და ჩოგბურთის ფედერაციის პრეზიდენტმა დაათვალიერეს.
ქუთაისში სპორტის ამ მიმართულებით მოსაწყობია როგორც დარბაზები, ასევე - კორტები. პარლამენტარებმა აღნიშნეს, რომ ამ მიმართულებით ქუთაისს დაეხმარებიან. ასევე ისაუბრეს ქალაქში დახურული დარბაზის მოწყობაზე.
,,ჩვენ რაც შეგვიძლია, საკანონმდებლო კუთხით, ქუთაისს ამ კუთხით აუცილებლად დავეხმარებით. როგორც ვნახეთ და გავიგეთ, აქ ძალიან ბევრი ბავშვი მოდის სავარჯიშოდ. მაქსიმუმი უნდა გავაკეთოთ, რათა ბავშვები დავაკავოთ სპორტით, “ - აღნიშნა პარლამენტარმა ლერი ხაბელოვმა.
კორტების თანმედროვე სტანდარტებით მოწყობის აუცილებლობაზე ისაუბრა ქუთაისის მერმა. შოთა მურღულიამ აღნიშნა ,რომ ინფრასტრუქტურის გაუმჯობესება აუცილებელია რათა ხელი შევუწყოთ სპორტის ამ სახეობის განვითარებას.