ქუთაისის მერმა შოთა მურღულიამ მოადგილეებთან ერთად ყოფილი კინოთეატრი „საქართველოს“ შენობა დაათვალიერა სადაც თითქმის დასრულებულია მრავალფუნქციური გასართობი ცენტრის მშენებლობა. აღნიშნულ შენობაში კინოს ექვსი ულტრათანამედროვე დარბაზი განთავსდება, მათ შორის ერთი საბავშვო, ხოლო ორი კი ე.წ. VIP დარბაზი. ქუთაისის მერის თქმით არათუ საქართველოში, არამედ კავკასიის რეგიონში მსგავს კინოთეატრს ანალოგი არა აქვს.
დღესვე შენობის პირველ სართულზე სვაჭრო ცენტრი გაიხსნა, სადაც 1600 კვადრატული მეტრის ფართობი მთლიანად ერთმა ბრენდმა „კოტონმა“ დაიკავა.