„ნაცმოძრაობა“ ვადამდელი არჩევნების დანიშვნის მოთხოვნით კონსულტაციების დაწყებას გეგმავს
პარტია „ერთიანი ნაციონალური მოძრაობა“ ვადამდელი საპარლამენტო არჩევნების დანიშვნის მოთხოვნით, საპარლამენტო და არასაპარლამენტო ოპოზიციის წარმომადგენლებთან კონსულტაციების დაწყებას გეგმავს.
ამის შესახებ განცხადება პარტიის წარმომადგენლებმა გუშინ საღამოს, ყოფილი პრემიერ-მინისტრის, ბიძინა ივანიშვილის ბიზნესცენტრთან გამართულ საპროტესტო აქციაზე გააკეთეს.
„ნაციონალური მოძრაობის“ წარმომადგენლების თქმითვე, ისინი საპროტესტო აქციების გამართვასაც გეგმავენ.