„მე ვარ ძალიან ბედნიერი!  მსოფლიოს საუკეთესო მომღერალთა შორის მესამე ადგილზე ვარ, საოცარ ანასა და წარმოუდგენელ სონდრას შემდეგ!  - წერს თავის ფეისბუქის გვერდზე მეცო-სოპრანო ანიტა რაჭველიშვილი.

საოპერო სეზონის 2014-2015  წლების დასასრულს გამოქვეყნდა მომღერალთა სია, რომლებიც განსაკუთრებულ სითბოსა და მოწონებას იმსახურებდნენ, მათ თავიანთი შესაძლებლობები წარმატებულად წარმოაჩინეს.

ანიტა ერთადერთი ქართველია ქალთა სიაში, პირველ ადგილზეა ანა ნეტრებკო, მეორეზე  – სონდრა რადვანოვსკი.

მამაკაცთა სიაში ლიდერობს პლასიდო დომინგო, მეორეზე იონას კაუფმანი (ანიტა რაჭველიშვილის პარტნიორი „კარმენში“ - დონ ხოსე), მესამე ადგილზე სელსო ალბელოა.

ცნობისათვის, 26 სექტემბერს სტრასბურგის მთავარ საკონცერტო დარბაზში ქართველ შემსრულებელთა კონცერტი გაიმართა, რომელიც პაატა ბურჭულაძის ფონდ „იავნანას“ ეგიდით ჩატარდა.

მონაწილეობდნენ : სიმფონიური ორკესტრი,  ნიკოლოზ რაჭველის ხელმძღვანელობით, პაატა ბურჭულაძე, ნინო მაჩაიძე, ანიტა რაჭველიშვილი, ლადო ათანელი და ოთარ ჯორჯიკია.

ბინა კიდევ 2 მრავალშვილიან ოჯახს გადაეცა.

მოამზადა თამარ გოგიჩაიშვილმა