ხარაგაულის მუნიციპალიტეტში ლიტერატურული კონკურსი „ოდეონი" გაიმართა. 36-მა მონაწილემ საკონკურსო თემა „ზარის" შესახებ ნაწარმოები 24 საათის განმავლობაში შექმნა, ჟანრი შეუზღუდავი იყო.
საქართველოს თითქმის ყველა კუთხიდან ჩასული კონკურსანტები 2 დღე ხარაგაულის რაიონის სოფელ ღორეშას ადმინისტრაციულ ერთეულში კარვებშიცხოვრობდნენ და კონკურსის ფარგლებში მიცემულ დავალებას ასრულებდნენ. „ოდეონის" მონაწილეები არიან: წიგნების ავტორები, სხვადასხვა კონკურსების გამარჯვებულები და პრიზიორები.
კონკურსის გახსნას იმერეთში სახლმწიფო რწმუნებულის-გუბერნატორის პირველი მოადგილე პაატა ნადირაძე, ვიცე-გუბერნატორი გიორგი ჭიღვარია და ადგილობრივი ხელისუფლების წარმომადგენლები დაესწრნენ.
ლიტერატურული კონკურსი ოდეონი 10 წელია, ხარაგაულის მუნიციპალიტეტში სხვადსხვა ადმინისტრაციულ ერთეულში იმართება. ორგანიზატორების გადაწყვეტილებით წელს სოფელ ღორეშაში მოეწყო.