ცენტრის წარმომადგენლებმა ადგილზე შეამოწმეს შეფუთვის ჰერმერტულობა და ეტიკეტი. ნიმუშების ჰერმერტულობა დაცული იყო, ხოლო ეტიკეტი ნორმას შეესაბამებოდა.  

ნიმუშები ჩაბარდა ლაბორატორიას მიკრობიოლოგიური შემოწმებისათვის. მიკრობიოლოგიური შემოწმების პასუხების მიხედვით,  „გურჯაანისა“ და  „მყინვარის“ ნაყინებში აღმოჩნდა კოლიფორმები. გარდა ამისა, „მყინვარის“ ნაყინში მომატებულია მიკრობთა საერთო რაოდენობა და ის ასევე დაბინძურებული აღმოჩნდა ლისტერია მონოციტოგენეზითა და სტაფილოკოკით.

აღმოჩენილმა ბაქტერიებმა შეიძლება ადამიანის სერიოზული მოწამვლა გამოიწვიოს[1]. ისინი საკვებში სხვადასხვა გზით შეიძლება მოხვდეს, დაწყებული დაბინძურებული ინგრედიენტებიდან, დამთავრებული საკვების მომზადების, შენახვისა და/ან დისტრიბუცია/რეალიზაციის დროს ჰიგიენის პირობების დაუცველობით. მართალია, ეს ბაქტერიები იოლად ნადგურდება საკვების თერმული დამუშავებისას (მოხარშვა, შეწვა), მაგრამ ნაყინში, რომელსაც თერმული დამუშავების გარეშე მიირთმევენ, მათი არსებობა ჯანმრთელობისათვის სახიფათოა.

დარღვევების შესახებ ეცნობება მწარმოებლებს, მაღაზიის მეპატრონესა და სურსათის ეროვნულ სააგენტოს.

წყარო: http://www.mkidveli.ge/