დაისვენე კურორტ ახალდაბაში
დაისვენე სასტუმრო „ლუტრეზიში“
სპონსორი: PSnewsGE
იმერეთში სოფლის მხარდაჭერის 50–მილიონიანი პროგრამის მეხუთე ეტაპი დაიწყო
2015/07/30 13:16:22

იმერეთის რეგიონში სოფლის მხარდაჭერის პროგრამის ფარგლებში 2015 წელს 8 514 045 ლარი დაიხარჯება. მხარის 11 მუნიციპალიტეტში 1 380 პროექტი განხორციელდება.

 

სოფლის მხარდაჭერის პროგრამა იმ ინფრასტრუქტურული პროექტების დაფინანსებას ითვალისწინებს, რომლებსაც მოსახლეობის უმრავლესობა სოფლის კრებაზე თავად ირჩევს. თითოეული სოფლისათვის გამოყოფილი თანხის რაოდენობას ადგილობრივ მცხოვრებელთა რიცხვი განსაზღვრავს. პროგრამის ბიუჯეტი სოფლის პირველი რიგის სოციალურ-ეკონომიკური საჭიროებების დასაფინანსებლად უნდა იყოს მიმართული.


იმერეთის რეგიონის მუნიციპალიტეტში სოფლის მხარდაჭერის პროგრამის ფარგლებში რამდენიმე პრიორიტეტული მიმართულება გამოიკვეთა. სოფლის მოსახლეობა უპირატესობას რიტუალების სახლების, ბიბლიოთეკების, სოფლის კლუბებისა და საბავშვო ბაღების მშენებლობას ანიჭებს. ასევე, ხშირად არჩეულ პროექტებს შორის არის: სარწყავი და სანიაღვრე არხების, სკვერებისა და გარე განათებების მოწყობა, სოფლამდე მისასვლელი გზების მოხრეშვა და სასმელი წყლის ავზების მშენებლობა.

 

სოფლის მხარდაჭერის პროგრამა მუნიციპალიტეტებისთვის ადგილობრივი ბიუჯეტის, რეგიონული და მუნიციპალური განვითარების ფონდების გარდა, ინფრასტრუქტურული პროექტების დაფინანსების კიდევ ერთ დამატებით წყაროს წარმოადგენს.

 

2015 წელს სოფლის მხარდაჭერის 50–მილიონიანი პროგრამის მეხუთე ეტაპი დაიწყო. პროგრამა უპრეცედენტოდ გამჭვირვალედ და მოქალაქეთა მაქსიმალური ჩართულობით მიმდინარეობს.

'.$TEXT['print'].'
სულ ნანახია - 6384
სხვა ამბები
ბოლოს იხილეს
დამზადებულია Pro-Service -ის მიერ
© PSnews 1995 - 2022 საავტორო უფლებები დაცულია