საჩხერეში, ასევე თანამედროვე სტანდარტების შესაბამისი მგზავრთა მოსაცდელების დამონტაჟების პროცესიც მიმდინარეობს. ქალაქის ტერიტორიაზე პირველ ეტაპზე 10 მოსაცდელი დაიდგმება. აღნიშნულ სამუშაოებზე ადგილობრივი ბიუჯეტიდან 44 000 ლარი დაიხარჯება.

სოფელ სხვიტორში კი სოფლის მხარდაჭერის პროგრამის ფარგლებში სასმელი წყლის სისტემის რეაბილიტაცია განხორციელდა. აღნიშნული პროექტის ღირებულება 13 000 ლარს შეადგენს და სასმელი წყლით 40 ოჯახს უზრუნველყოფს. სოფელში წყალი რამდენიმე ათეული წლის განმავლობაში ერთ–ერთ ყველაზე მწვავე პრობლემას წარმოადგენდა.

იმერეთში სახელმწიფო რწმუნებულმა–გუბერნატორმა გივი ჭიჭინაძემ, პირველმა მოადგილემ
პაატა ნადირაძემ და ვიცე–გუბერნატორმა გიორგი ჭიღვარიამ საჩხერის მუნიციპალიტეტში
მიმდინარე ამ ინფრასტრუქტურული პროექტების მონიტორინგი განახორციელეს.

იმერეთის სამხარეო ადმინისტრაცია ინფრასტრუქტურული პროექტების მონიტორინგს ყველა მუნიციპალიტეტში განახორციელებს.