ბათუმში გამართული სპორტული ცეკვების საერთაშორისო ტურნირზე ქუთაისელმა მონაწილეებმა 5 ოქროს მედალი მოიპოვეს.
ევროპულ და ლათინო-ამერიკული ცეკვებში შეჯიბრება ყველა ასაკობრივ კატეგორიაში გაიმართა. უფროსი ასაკის სოლო შემსრულებლებს შორის წარმატება მოიპოვა ქუთაისელმა ბარბარე სვანაძემ. ხოლო პატარებში - გვანცა ჯანელიძემ და მარი ბრეგაძემ.
წყვილს შორის უფროსი ასაკის კატეგორიაში ოქროს მედლები მოიპოვეს - ინა უგლავამ და გიორგი მუშკუდიანმა, პატარებს შორის კი - ლუკა შალამბერიძემ და ანი გულოიანმა.
საერთაშორისო ტურნირში მსოფლიოს 16 ქვეყნის 1200-მდე უძლიერესმა მოცეკვავემ მიიღო მონაწილეობა.
გამარჯვებულები სტუდია "ელიტას" მოცეკვავეები არიან. სტუდიას ანა და ხათუნა ბუხაიძეები ხელმძღვანელობენ.