სამოქალაქო განათლების პროგრამის „მომავლის თაობის“ ფარგლებში, საქართველოს დამოუკიდებლობის დღესთან დაკავშირებით, ხონის მუნიციპალიტეტის სოფელ ქუტირის საჯარო სკოლის IX კლასის მოსწავლეებმა საბავშვო ბაღში მოაწყვეს აქცია „უკეთ შევისწავლოთ ჩვენი სამშობლო".
აქციის ორგანიზატორებმა საბავშვო ბაღის აღსაზრდელებს ასწავლეს სამშობლოს სახელი, ქვეყნის დედაქალაქი, საქართველოს კუთხეები და 26 მაისის მნიშვნელობა. პატარებს ,,ლექსი საქართველოზეც'' დასწავლეს, საუკეთესო ლექსის თქმისთვის კი ბავშვები სიგელებით დააჯილდოვეს.