ქუთაისის ილია ჭავჭავაძის სახელობის სამეცნიერო ბიბლიოთეკის ამერიკულმა კუთხემ გახსნიდან 3 წლის იუბილე აღნიშნა.
ბიბლიოთეკას ეწვივნენ ამერიკის ელჩი რიჩარდ ნორლანდი და მისი მეუღლე მერი ჰარტნეტი, ამერიკის საელჩოს წარმომადგენლები; პრეს-ატაშე დენიელ ჰასტინგსი, საქართველოში ამერიკული კუთხეების მთავარი კოორდინატორი ქეთი ასათაშვილი და ადგილობრივი ხელისუფლების წარმომადგენლები. მათ საქართველო-ამერიკის მჭიდრო თანამშრომლობასა და მეგობრობაზე ისაუბრეს.
რიჩარდ ნორლანდიმ შეაფასა ამერიკული კუთხის მუშაობა, მისი წვლილი ქართულ-ამერიკული ურთიერთობის განვითარებასა და კულტურათა შორის დაახლოებაში.
შეხვედრა გაალამაზეს ამერიკული კუთხის სხვადასხვა კლუბის წევრებმა: მე-17 სკოლისა და კერძო სკოლა „იმედის“ მოსწავლეებმა.