სამოქალაქო განათლების პროგრამის ,,მომავლის თაობა'' ფარგლებში, ქუთაისის განათლების განვითარების და დასაქმების ცენტრის ინიციატივით მოეწყო სასწავლო ვიზიტი ნატოს სამეკავშირეო ოფისში.
სასწავლო ვიზიტში იმერეთის, პროგრამის სამიზნე სკოლების მე–9, მე–10, მე–11 კლასის 30 მოსწავლე მონაწილეობდა.
ვიზიტის მონაწილეებმა დაათვალიერეს ნატოს სამეკავშირეო ოფისი, შეხვდნენ ოფისის ხელმძღვანელს უილიამ ლაჰიუს, მის მოადგილეს კრისტინა ბალეიშიტეს, რომლებმაც მოსწავლეებს ნატოს შესახებ მიაწოდეს ინფორმაცია, ასევე ისაუბრეს ნატოს წევრი ქვეყნების ვალდებულებესა და ნატოში საქართველოს პერსპექტივებზე.
მოსწავლეებმა ნატოს სამეკავშირეო ოფისში შეკითხვები მაპ–თან დაკავშირებით, საქართველოს დაკარგულ ტერიტორიებსა და რუსეთთან ურთიერთობზე დასვეს.