2015 წლის 23 აპრილს დიმიტრი ნაზარიშვილის სახელობის სახლ-მუზეუმში შედგა ააიპ „აკმეს“-ს პრეზენტაცია. პრეზენტაცია ეძღვნებოდა წიგნის საერთაშორისო დღეს. ამავე დღეს გაიმართა პრეზენტაცია პროექტისა `წიგნი სიყვარულია“, რომელშიც საქართველოს 14 სკოლაა ჩართული, პროექტის ხელმძღვანელია: ქალბატონი ნათია კალანდაძე, მე-15 საჯარო სკოლის ისტორიის მასწავლებელი.

პროექტში „წიგნი სიყვარულია“ მე-40 საჯარო სკოლა ჩაერთო 2014 წლის ოქტომბრიდან.პროექტის ფარგლებში ჩატარებული ღონისძიებების შესახებ პრეზენტაცია წარადგინეს წიგნის მოყვარულთა კლუბის კოორდინატორებმა, მე-9 კლასიის მოსწავლეებმა: ქრისტინე თოლორდავამ და ამირან ოქროჭელიძემ. საინტერესო და მრავალფეროვანი პრეზენტაციები წარმოადგინეს მე-10-11 კლასის მოსწავლეებმა: თინათინ გოგბერაშვილმა , ლიკა ბურჯალიანმა, მურმან ხონელიძემ და თამარ გორგოძემ. მათ ისაუბრეს თავიანთი საყვარელი მწერლისა და ნაწარმოების შესახებ. საპრეზენტაციოდ განხილული იქნა შემდეგი ნაწარმოებები:

პაულო კოელიო - ბრაზილიელი მწერალი, ლირიკოსი. ალქიმიკოსი -მწერალ პაულო კოელიოს 1988 წელს დაწერილი ალეგორიული რომანი. 150 ქვეყანაში გაიყიდა წიგნის 68 მილიონი ასლი, ამის გამო წიგნი ბესტსელერად მიიჩნევა. 

ალბერ კამიუ – ფრანგი მწერალი და ფილოსოფოსი, აბსურდის ფილოსოფიის წარმომადგენელი, ნობელის პრემიის ლაურეატი ლიტერატურის დარგში. „უცხო“ 1942 წელს გამოვიდა, რომელშიც მოთხრობილია ერთი მეტად უცნაური და უემოციო ადამიანის, მერსოს, თავგადასავალი.
ფრედერიკ ბეგბედერი, -ფრანგი მწერალი, ლიტერატურული კრიტიკოსი, გამომცემელი.„99 ფრანკი“ XXI საუკუნის სარეკლამო აგენტის ცხოვრებაა. იმ პროფესიის ადამიანის, რომელიც ცდილობს პროდუქტების (ხანდახან უვარგისისაც) გასაღებას.
გაბრიელ გარსია მარკესი – კოლუმბიელი მწერალი, სცენარისტი, ჟურნალისტი,
„მარტოობის ასი წელიწადი“ – რომანში უხვად არის გამოყენებული უძველესი კულტურული სიმდიდრე: კლასიკური მითოლოგიური თემები, ხალხური ზღაპრული სახეები. დღემდე რომანი 30-ზე მეტი მილიონი ასლის ოდენობით არის გაყიდული.

პრეზენტაციებმა დამსწრე საზოგადოების დიდი მოწონება დაიმსახურა.