ქ.თბილისში სსიპ საქართველოს მოსწავლე ახალგაზრდობის ეროვნულ სასახლეში ჩატარდა მოსწავლეთა 69-ე სასწავლო-შემოქმედებითი კონფერენცია.

კონფერენციაში მონაწილეობდნენ სსიპ ქ.ქუთაისის N40 საჯარო სკოლის 10ა კლასის მოსწავლე მარიამ თუთისანი, რომელმაც ქართულ ენაში წარადგინა თემა: „ნეოლოგიზმები გალაკტიონ ტაბიძის პოეზიაში“ (თემის ხელმძღვანელი - ქართული ენისა და ლიტერატურის მასწავლებელი ინგა ხაჟომია).

მარიამ თუთისანი სსიპ საქართველოს მოსწავლე ახალგაზრდობის ეროვნულმა სასახლემ დააჯილდოვა პირველი ხარისხის დიპლომით, ხოლო პაატა ბურჭულაძის საერთაშორისო საქველმოქმედო ფონდმა „იავნანამ“ ქართული ენის სექციაში მიღწეული წარმატებისათვის - სამახსოვრო წიგნებით.

არჩილ კორძაძემ ბიოლოგიაში წარადგინა თემა: „კოფეინი და მისი გავლენა თანასაზოგადოებაში გაზრდილი ვირთაგვების აგრესიულ ქცევაზე“. მოსწავლეთა 69_ე სასწავლო-შემოქმედებითი კონფერენციის ეკოლოგიისა და გარემოს დაცვის (ბიოლოგია) სექციაში გამარჯვებისათვის დაჯილდოვდა პირველი ხარისხის დიპლომით (თემის ხელმძღვანელი - ბიოლოგიის მასწავლებელი ნესტან გრძელიშვილი).

სსიპ ქ.ქუთაისის N40 საჯარო სკოლის დირექტორმა, ქალბატონმა ლია კუხიანიძემ 10ა კლასის მოსწავლეებს: მარიამ თუთისანსა და არჩილ კორძაძეს საქართველოს მოსწავლეთა 69_ე სასწავლო-შემოქმედებით კონფერენციაში გამარჯვება მიულოცა, სასკოლო ცხოვრებაში წინსვლა და წარმატებები უსურვა.