სამოქალაქო განათლების პროგრამის „მომავლის თაობა“ ფარგლებში, ქუთაისის განათლების განვითარების და დასაქმების ცენტრის ინიციატივით, სასკოლო სამოქალაქო კლუბებმა წიგნის საერთაშორისო დღე აღნიშნეს.
სამოქალაქო კლუბის ლიდერებმა დაწყებითი კლასის მოსწავლეებს ჰანს–ქრისტიან ანდერსენის ზღაპარი „ასანთის გამყიდველი გოგონა“ წაუკითხეს. წაკითხული მასალის უკეთ გასააზრებლად კი მოსწავლეებს ბავშვთა უფლებათა კონვენციის მოკლე ვერსია დაურიგეს, მსმენელები ჯგუფებად გადაანაწილეს და დავალება მისცეს, ემსჯელათ, თუ უფლებათა კონვენციის რომელი მუხლები დაირღვა გოგონას მიმართ. პატარა მოსწავლეებმა თავიანთი აზრები ნახატებითაც გამოხატეს.