2015 წლის 2 აპრილს, აუტიზმის ცნობადობის ამაღლების მსოფლიო დღესთან დაკავშირებით ქ. ქუთაისის N15 საჯარო სკოლაში ჩატარდა ტრენინგი თემაზე ,,აუტიზმი“, რომელიც 10 კლასის მოსწავლემ ნიკა ახვლედიანმა ჩაატარა.
შეხვედრას ესწრებოდნენ სამოქალაქო კლუბის და დებატ-კლუბის მოსწავლეები, რომლებიც გაეცვნენ ამ დღესთან დაკავშირებულ საკითხებს. კლუბის წევრების მიერ დამზადდა ბუკლეტები, რომლებიც დაურიგდა როგორც მოსწავლეებს, ასევე პედაგოგებს.
ღონისძიება პროექტის „შიდსის, ალკოჰოლიზმის, ნარკოტიკის და თამბაქოს მოხმარებისგან თავისუფალი და დაცული ჯანსაღი მომავალი თაობა“ ფარგლებში გაიმართა. პროექტს ახორციელებს ქუთაისის განათლების განვითარების და დასაქმების ცენტრი.