სამოქალაქო განათლების პროგრამის „მომავლის თაობის’’ ფარგლებში, ქუთაისის განათლების განვითარების და დასაქმების ცენტრის ინიციატივით,  მოეწყო სასწავლო ვიზიტი დავით აღმაშენებლის სახელობის საერთაშორისო აეროპორტში. ვიზიტში  იმერეთის სკოლების  მე–9 და მე–10 კლასის მოსწავლეები მონაწილეობდნენ.

მოსწავლეებმა დაათვალიერეს აეროპორტის  გაფრენისა და ჩამოფრენის  დარბაზი, სარეგისტრაციო  დახლები, საინფორმაციო  ციფრული მონიტორი, სადაც მარშრუტების განრიგია განთავსებული. გაიარეს ,,რეგისტრაცია’’ , რის შემდეგაც, მგზავრთა გაცილების სამსახურის უფროსის მირანდა შონიას დახმარებით  ყველა იმ პროცედურას პირადად  გაეცვნენ,  რასაც მგზავრები გადიან.    მოინახულეს ასაფრენი ბილიკი და გარე სიცრცეში განთავსებული   ტექნიკა, რაც უსაფრთხო ფრენისთვისაა  მნიშვნელოვანი.