ალპებში  კატასტროფამდე ცოტა ხნით ადრე თვითმფრინავ A320-ის ორი პილოტთაგან ერთ-ერთმა დატოვა კაბინა და უკან დაბრუნება ვეღარ მოახერხა. ამის შესახე   საფრანგეთის საგამოძიებო სამსახურმა ბორტის თვითჩამწერის გაშიფვრის შემდეგ განაცხადა.

გამოძიების მონაცემებით, კაბინიდან გამოსული პილოტი დაჟინებით აკაკუნებდა კაბინის კარზე, მაგრამ პასუხი ვერ მიიღო. ერთ-ერთმა სპეციალისტმა, ვინც ავაკატასტროფის გარემოებებს სწავლობს, გაზეთ New York Times-ს განუცხადა, რომ „შავი ყუთის“ ჩანაწერების მოსმენისას ისმის, როგორ უშედეგოდ ცდილობს პილოტი კაბინაში შეღწევას, კარის შემტვრევას.

გამოძიებამ უნდა დაადგინოს, რატომ არ გაუღო პილოტმა კოლეგას კარი.

თვითმფრინავი  A320 რეისი ბარსელონა-დიუსელდორფი 24 მარტს სამხრეთ საფრანგეთში დაიღუპა. ბორტზე მყოფი 150 ადამიანიდა ყველა დაიღუპა. ავარიის მიზეზი გაურკვეველია.