2015 წლის 24 მარტს, „შეზღუდული შესაძლებლობების მქონე პირთა განათლების და დასაქმების თანაბარი ხელმისაწვდომობის ადვოკატირების საპილოტე პროგრამის“ ფარგლებში, ქუთაისის განათლების განვითარების და დასაქმების ცენტრის ინიციატივით, პოტენციური დამსაქმებლებისათვს მოაწყო საკონსულტაციო შეხვედრა საგადასახადო საკითხებთან დაკავშირებით.
შეხვედრის პირველ ნაწილში ქუთაისის განათლების განვითარების და დასაქმების ცენტრის წარმომადგნელებმა მეწარმეებს გააცნეს პროგრამის მიზნები და ამოცანები, აჩვენეს დასაქმების მსურველი შშმ პირთა ვიდეო CV -ები და მოკლემეტრაჟანი დოკუმენტური ფილმი პროგრამის წარმატებული ისტორიების შესახებ.
შეხვედრის მეორე ნაწილს შემოსავლების სამსახურის უფროსი ოფიცერი ნუგზარ ძოწენიძე უძღვებოდა. ბატონმა ნუგზარმა ისაუბრა საგადასახადო კოდექსში შეტანილ ცვლილებებზე. და გასცა პასუხი მოწვეული საწარმოს ხელმძღვანელების და ბუღალტრების შეკითხვებს.