ახალი სკვერი, რომელიც მიკროსაფინანსო ორგანიზაცია GeoCapital-ის დაფინანსებით გაშენდა და კეთილმოეწყო, ქუთაისში, ზვიად გამსახურდიას გამზირზე მდებარეობს. დღეს სკერი ოფიციალურად ქუთაისის მერმა, შოთა მურღულიამ გახსნა.
სკვერი უზრუნველყოფილია უფასო Wi-Fi ინტერნეტით, ხელოვნური ქვის სკამებით და ურნებით, ახალი განათებითა და განახლებული ბალახის საფარით. ბილიკებს ოვალური ფორმები მიეცა, რომელიც დეკორატიული ქვაფენილით მოაპირკეთეს. უსაფრთხოების მიზნით ტერიტორია CCTV კამერებით აღიჭურვა.