2015 წლის 13-15 თებერვალს ქუთაისის ახალგაზრდულ ცენტრის წევრები მოხალისეთა გაცვლითი პროგრამის ფარგლებში დმანისის ახალგაზრდულ ცენტრს სტუმრობდნენ. პროგრამის მიზანს წარმოადგენდა დმანისში დაფუძნებული ახალგაზრდული ცენტრის გამოცდილების გაზიარება, ერთობლივი სათემო ღონისძიებების და საგანმანათლებლო პროგრამის ორგანიზება, სამომავლო ურთიერთთანამშრომლობის გზების დასახვა, ახლგაზრდებს შორის დიალოგის გამართვა მათთვის აქტუალურ საკითხებზე, რეგიონის ტრადიციების და კულტურული მემკვიდრეობის ძეგლების გაცნობა. 

მოხალისეთა გაცვლითი პროგრამა ორგანიზებული იქნა „საქართველოში ეროვნული ინტეგრაციის გაძლიერების“ პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. პროექტის პარტნიორია ქუთაისის განათლების განვითარების და დასაქმების ცენტრი (KEDEC).