ტყიბულის რაიონის სოფელ კურსების საჯარო სკოლის მოსწავლეებმა თემში ჩაატარეს გამოკითხვა თემაზე „რა ვიცით C ჰეპატიტის შესახებ“, რომლითაც მოსახლეობის ინფორმირებულობის დონე დაადგინეს დაავადებასთან დაკავშირებით. გამოკითხვის პარალელურად ისინი მოსახლეობას აწოდებდნენ ინფორმაციას C ჰეპატიტის გამომწვევი მიზეზების და დაავადების თავიდან აცილების გზებზე. ღონისძიების ფარგლებში გავრცელდა პროექტის „შიდსის, ალკოჰოლიზმის, ნარკოტიკის და თამბაქოს მოხმარებისგან თავისუფალი და დაცული ჯანსაღი მომავალი თაობა“ ფარგლებში გამოცემული ბუკლეტები ჰეპატიტების თემაზე.

საინფორმაციო შეხვედრა ორგანიზებული იქნა პროექტის „შიდსის, ალკოჰოლიზმის, ნარკოტიკის და თამბაქოს მოხმარებისგან თავისუფალი და დაცული ჯანსაღი მომავალი თაობა“ ფარგლებში, რომელსაც ახორციელებს ქუთაისის განათლების განვითარების და დასაქმების ცენტრი, აშშ საელჩოს (US Embassy Tbilisi, Georgia) ფინანსური მხარდაჭერით.