29 იანვარს ქუთაისის ახალგაზრდული ცენტრის წევრებისათვის ორგანიზებული იქნა სადისკუსიო კლუბის შეხვედრა თემაზე: „ქალები ომში“, რომელსაც აფხაზეთის ომში მონაწილე ჟურნალისტი ლია ხარაბაძე უძღვებოდა. დისკუსიის მიზანს წარმოადგენდა ახალგაზრდებისათვის ინფორმაციის მიწოდება იმასთან დაკავშირებით, თუ როგორ აღიქვამს და განიცდის ქალი ომს; რით განსხვავდება ქალისა და კაცის აღქმები და გამოწვევები ომში; როგორია ჟურნალისტის როლი კონფლიქტის დარეგულირების საკითხში. მოწვეულმა ჟურნალისტმა ისაუბრა აფხაზეთის ომში თავის პროფესიულ მოვალეობაზე, იმ რეალურ ისტორიებზე რომელიც მას, როგორც ჟურნალისტს გადახდა, ახალგაზრდებს გააცნო „ომის დღიურები“ ჩანაწერების სახით, რომელშიც აფხაზი ქალების ომის დროინდელი ისტორიებია მოთხრობილი.
სადისკუსიო კლუბი ორგანიზებული იქნა „საქართველოში ეროვნული ინტეგრაციის გაძლიერების“ პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. პროექტის პარტნიორია ქუთაისის განათლების განვითარების და დასაქმების ცენტრი (KEDEC).