ქუთაისის სპორტის მუზეუმში ახალგაზრდა სპორტსმენის, მსოფლიო ჩემპიონის გენადი ჩირგაძის წარმატების აღმნიშვნელი გამოფენა მოეწყო, სადაც წარმოდგენილი იყო სპორტსმენის წარმატების ამსახველი ფოტოები, სიგელები და მედლები.
როგორც 23 წლის მსოფლიო ჩემპიონი აღნიშნავს, ის ჭიდაობის ერთ-ერთი სახეობით- სამბოთი - 18 წელია, დაკავებულია. თვლის, რომ წარმატების მთავარი მიზეზი შრომა და მიზანდასახულობაა.
ქუთაისის ადგილობრივმა თვითმმართველობამ მსოფლიო ჩემპიონს სიმბოლური საჩუქარი გადასცა და წარმატება უსურვა.
სპორტის მუზეუმის დირექტორის მოადგილის, ზურაბ ჯავახაძის განცხადებით, ქუთაისში 16 ოლიმპიური და მსოფლიო ჩემპიონია.