გაზეთი P.S. (“პოსტსკრიპტუმი“) და საინფორმაციო სააგენტო www.psnews.ge უერთდება ჯანდაცვის სამინისტროს აქციას „ერთად დავამარცხოთ C ჰეპატიტი“ და იღებს საინფორმაციო სააგენტო "topnews.com.ge"-ს გამოწვევას.
ჩვენი გზავნილებია:
დიაგნოსტირების ხელმისაწვდომობა ყველასათვის,
მეტი ინფორმირება რეგიონებში,
მკაცრი პროფილაქტიკური ღონისძიებების განხორციელება!
„ერთად დავამარცხოთ C ჰეპატიტი“! – აქციაში მონაწილეობის მისაღებად psnews.ge იწვევს: ქუთაისის მერს შოთა მურღულიას, ქუთაისის საკრებულოს თავმჯდომარეს, დავით დვალს, პარლამენტარ გიორგი თევდორაძეს, და ქუტაისის მაჟორიტარ დეპუტატს, გუბაზ სანიკიძეს.
შეგახსენებთ, რომ 2015 წელი მთავრობისა და ჯანდაცვის სამინისტროსთვის C ჰეპატიტთან ბრძოლის წელი იქნება. 14 იანვარს გამართულ პრესკონფერენციაზე ჯანდაცვის მინისტრმა დავით სერგეენკომ მთავრობის, საზოგადოებისა და მასმედიის წარმომადგენლებს მოუწოდა, საკუთარი მოსაზრება სოციალურ ქსელში გამოხატონ და სამინისტროს 3 გზავნილი მისწერონ იმის შესახებ, თუ როგორ შეიძლება C ჰეპატიტის დამარცხება. სამინისტროს ინფორმაციით, უპრეცედენტო პროექტი თებერვალში დაიწყება და მისი მიზანი, მედიკამენტის მიწოდებასთან ერთად, სწორი დიაგნოსტიკა და მკურნალობა იქნება.