„ჩვენ ერთნი ვართ" – ამ დევიზით ქუთაისის ანდრია რახმაძის სახელობის ქუთაისის 41-ე ფიზიკა-ამთემატიკის სკოლის მოსწავლეებმა შეზღუდული შესაძლებლობის მქონე პირებთან ერთად ერთობლივი კონცერტი გამართეს.
კონცერტი 41-ე სკოლის მე-9ბ კლასის მოსწავლეებმა დაგეგმეს. ბავშვებმა შეზღუდული შესაძლებლობის მქონე პირებთან ერთად საკონცერტო ნომრები აჩვენეს, წაიკითხეს ლექსები, შეასრულეს სიმღერები და საცეკვაო ნომრები, პოეტური მონტაჟი...
„ეს შეხვედრა შშმ ბავშვებს ეძღვნება. დიდი ხანია, მე-9 კლასის მოსწავლეებს ამ კონცერტის იდეა დაებადათ და დღეს ერთობლივი ძალისხმევით მოვახერხეთ, რომ ერთი ლამაზი დღე გაგვეტარებინა შშმ პირებთან ერთად. ვფიქრობ, დღეს მეგობრობას და სიყვარულს ჩაეყარა საფუძველი," – განაცხადა ფიზიკა-მათემატიკის სკოლის ქართული ენისა და ლიტერატურის მასწავლებელმა ბელა დურგლიშვილმა.
შშმ პირმა ანა ლორთქიფანიძემ მსვენელს მშვენიერი ლექსი წაუკითხა.
ღონისძიების ბოლოს 41-ე სკოლის მოსწავლეებმა შშმ პირებს საახალწლო საჩუქრები გადასცეს. გაიჭრა საზეიმო ტორტიც.
ბავშვები კმაყოფილებას გამოხატავდნენ შეხვედრით და იმედოვნებენ, რომ ისინი კიდევ უფრო დაუახლოვდებიან შეზღუდული შესაძლებლობის მქონე პირებს.ძ