ქუთაისის ოპერის თეატრში საიუბილეო კვირეული დაიწყო. ოპერის თეატრი დაარსებიდან 45–ე წლის იუბილეს აღნიშნავს.
კვირეულის პირველი დღე ოპერის თეატრის ერთ-ერთი დამაარსებელისა და დირიჟორის თეიმურაზ კობახიძის ხსოვნას მიეძღვნა.
გაიმართა თეიმურაზ კობახიძისადმი მიძღვნილი წიგნის პრეზენტაცია, რომლის ავტორი დირიჟორის ქალიშვილია.
დირიჟორის დაბადებიდან 90-ე წლის იუბილე მოგვიანებით გალა კონცერტით აღინიშნა.
საიუბილეო კვირეული 27 დეკემბრამდე გაგრძელდება.
მეორე დღეს თბილისის ზ. ფალიაშვილის სახელობის ოპერისა და ბალეტის თეატრის სოლისტებისა და ორკესტრის მონაწილეობით (დირიჟორი ზაზა აზმაიფარაშვილი) გალა კონცერტი გიმართება.
26 დეკემბერს მოხდება ღვაწლმოსილი არტისტების, გიორგი ლომთაძისა და ანატოლი ჭურღულიას ვარსკვლავების გახსნა.
27 დეკემბერს საიუბილეო კვირეულის დახურვის დღეს, წარმოდგენილი იქნება რ. ლეონკავალოს „ჯამბაზები“.