ქუთაისში "კეჩის" ბაზრობის მოვაჭრეებმა გარევაჭრობის აკრძალვის მოთხოვნით აქცია გამართეს. აქციის მონაწილეების თქმით, გარევაჭრობის გამო ბაზარზე მყიდველი აღარ დადის და მათ გადასახადების გადახდაც აღარ შეუძლიათ.
ბაზრის თანამშრომლებმა ჭავჭავაძის გამზირის გადაკეტვა სცადეს, რაშიც ხელი სამართალდამცავებმა შეუშალეს.
აქციის მონაწილეებმა მომხდარში ადგილობრივი ხელისუფლება დაადანაშაულეს და აღნიშნეს, თუ უახლოეს დღეებში გარევაჭრობა არ აიკრძალება ორშაბათიდან საპროტესტო აქციას მერიასთან გამართავენ.