ქუთაისში დამწყები მეწარმეების კონფერენცია, „მცირე ბიზნესის წამოწყება და განვითარება საქართველოში“ გაიმართა.
შეხვედრაში მონაწილეობა პროექტის, „მცირე ბიზნესის განვითარების პროექტი დასავლეთის მიმართულების საექსპორტო ნავთობსადენის (ბაქო-სუფსის) მარშრუტისთვის“, ფარგლებში დაფინანსებულმა 40 –მა წარმატებულმა მცირე მეწარმემ, იმერეთის, გურიისა და სამეგრელოს რეგიონების ადგილობრივი ხელისუფლების და ბიზნეს-ორგანიზაციების წარმომადგენლებმა (საბანკო-საფინანსო, სავაჭრო, სადაზღვევო, მომსახურების) მიიღეს.
“საქართველოს სკაუტური მოძრაობის ორგანიზაცია“ 2012 წლიდან ახორციელებს პროექტს, „მცირე ბიზნესის განვითარების პროექტი დასავლეთის მიმართულების საექსპორტო ნავთობსადენის (ბაქო-სუფსის) მარშრუტისთვის“, რომელიც ინიცირებული და დაფინანსებულია BP-სა და მისი პარტნიორების მიერ საქართველოს მილსადენის კომპანიის ფარგლებში.
პროექტის მიზანია დასავლეთის მიმართულების (ბაქო-სუფსის) საექსპორტო მილსადენის გასწვრივ მდებარე თემების კეთილდღეობის გაუმჯობესება ბიზნესის წამოწყების ხელშეწყობის გზით, რაც თავის მხრივ დაეხმარება BP-სა და თემებს შორის ჰარმონიული ურთიერთობების ჩამოყალიბებას“–განაცხადა „მცირე ბიზნესის განვითარების“ პროექტი მენეჯერმა ირინა ფრუიძემ.
პროექტის ფარგლებში ხელი შეეწყო სამიზნე თემებში (116 სოფელი) მცირე ბიზნესის წამოწყებას და დევნილთა დასახლებებში (4 დასახლება: წეროვანი, ხურვალეთი, შავშვები და სვენეთი) ახალგაზრდების უნარ-ჩვევების განვითარებას.
მცირე ბიზნესის განვითარებისთვის სამიზნე რაიონებია: გარდაბანი, მცხეთა, კასპი, გორი, ქარელი, ხაშური, საჩხერე, ჭიათურა, ზესტაფონი, თერჯოლა, ბაღდათი, ვანი, სამტრედია, აბაშა, ლანჩხუთი. ამ რაიონებში, პროექტის ფარგლებში, 281 მცირე ბიზნესი 1500 ლარით დაფინანსდა.
კონფერენციაში მონაწილე მეწარმეების საქმიანობის ძირითადი სფეროებია: სასათბურე მეურნეობა, მეფუტკრეობა, მეცხოველეობა, მეფრინველეობა, საცალო ვაჭრობა, მომსახურება და წარმოება (მინი-საწარმო).
მცირე მეწარმეთა განცხადებით, პროექტის ფარგლებში მიღებული დაფინანსებთ მათ საკუთარი ბიზნესის განვიტარება და საჭირო ინვენტარის შეძენა მოახდინეს.