რამდენიმე წუთის წინ ქალაქ წყალტუბოში ავარია მოხდა.
წყალტუბოს შესასვლელში საპირისპირო მიმართულებით მოძრავი ორი მსუბუქი ავტომობილი შეეჯახა ერთმანეთს.
შეჯახების შედეგად სამმა პიროვნებამ სხეულის დაზიანება მიიღო.
როგორც თვითმხილველები აცხადებენ, ერთ-ერთი ავტომობილი სწრაფად მოძრაობდა, საპირისპირო მიმართულებიდან მომავალ მეორე ავტომობილს გზა გადაუჭრა და ავარია გამოიწვია.
ამ დროისთვის უცნობია, თუ სად გადაიყვანეს დაზარალებულები.
შსს-ს საზოგადოებასთან ურთიერთობის სამსახურის სპეციალისტის, ტატო კუჭავას განცხადებით, აღნიშნულ ფაქტთან დაკავშირებით გამოძიება 276-ე მუხლის პირველი ნაწილით მიმდინარეობს.