ტყიბულში, ბარათაშვილის ქუჩაზე, საცხოვრებელ სახლში გაჩენილ ხანძარს მსხვერპლი მოჰყვა.
წინასწარი ვარაუდით, 2 ნოემბერს საცხოვრებელ სახლში ცეცხლი შეშის ღუმელიდან გავრცელდა, რადგან შენობაში ელექტროგაყვანილობა არ იყო.
შემთხვევის ადგილზე შეტყობინებისთანავე მობილიზებული იქნა ტყიბულის მუნიციპალიტეტის გამგეობის სახანძრო-სამაშველო სამსახურის ბრიგადები. თუმცა ცეცხლი იმდენად ძლიერი იყო, სახლი კი იმდენად მიუვალი, რომ ადგილზე მისულ მეხანძრეებს სახლი თითქმის დამწვარი დახვდათ.
სახლში მყოფი 88 წლის თამარ ბარათაშვილი ადგილზე დაიღუპა.
სახანძრო-სამაშველო სამსახურმა მისი დამწვარი სხეულის ნაწილები საათნახევრიანი მუშაობის შედეგად იპოვა.
წყარო: http://okribanews.ge/