საქართველოს მთავრობამ 220 ახალი რეანომობილი შეიძინა, რომელიც რაიონების მიხედვით გადანაწილდება.
არსებული რეანომობილებიდან 4 დღეს უკვე შემოვიდა ქუთაისში, რამდენიმე დღეში კი ქალაქი დამატებით 5 სასწრაფო სამედიცინო ავტომობილს მიიღებს.
მთლიანად იმერეთის რეგიონში 40 რეანომობილი გადანაწილდება.
აღნიშნულის შესახებ დღეს ქუთაისის საკრებულოს სხდომაზე გაჟღერდა, როგორც საკრებულოს დეპუტატმა თეიმურაზ ნადირაძემ აღნიშნა, რეანომობილების დამატებით შემოსვლა ქალაქში სასწრაფო სამედიცინო ჯგუფების დაგვიანების მხრივ არსებულ პრობლემას ნაწილობრივ მოაწესრიგებს.