ქუთაისისდან თბილისში მგზავრობა ორი ლარით გაიზარდა და 7 ლარი გახდა.

ქუთაისიდან თბილისამდე მგზავრობის 10-ლარიანი ტარიფი მას შემდეგ განახევრდა, რაც ქალაქში, კერძოდ, ჭავჭავაძის გამზირზე, ახალი ავტოსადგური გაიხსნა. თუმცა, „ფასდაკლებამ" დიდხანს ვერ გასტანა და რამდენიმე დღის შემდეგ, თბილისამდე მგზავრობა უკვე 7 ლარი გახდა. ამით კი გამართლდა მძღოლების ვარაუდი, რომ 5 ლარზე მუშაობა მათთვის წამგებიანი იქნებოდა და მალე მოუწევდათ სამგზავროს საფასურის გაზრდა.

ქუთაისში, ცენტრალურ ავტოსადგურთან არსებული მეორე სადგურის მძღოლების თქმით, მათ წაგებაზე უწევდათ მუშაობა და იძულებული იყვნენ, ფასი გაეზარდათ, ჯერჯერობით, 7 ლარამდე. მათივე თქმით, ფასების რეგულაციაარ ეხება სატრანსპორტო სამსახურს და კერძო კომპანიის გადასაწყვეტია, რა თანხას მოსთხოვს მგზვარს თბილისამდე გადაყვანაში.

მგზავრების განცხადებით, 10 და 15 ლართან შედარებით, 7 ლარი კარგი შეღავათია. თუმცა, იმედოვნებენ, რომ მგზავრობის ღირებულება მალე ისევ არ მოიმატებს და ადრინდელ ფასს არ გადააჭარბებს.